|
Cup - Schiessen 2009
Hoi zämä, - Schützin und Schützäkamaradä Mir hei, wiä jedes Joor, s'Cup - Schiessä durägfüert ! Es si halt wiä jedes Joor vill z'wenig zu däm Aalass cho, die wo cho si, ( ä dail nämlig z'schpot ) die andärä zur Zyt. Zerscht hei mer d'Vorrundi gschossä. Do isch s'Babsi, dr Philippe, dr Gilb und Ich widder cho, diä anderä hei müessä Hoffnigsrundi schiässä. Dr Jörg, dr Walti, dr Marci,dr Chris K., dr Chris Sch., dr Heinz, dr Andi und dr Pauli, dr Walti und dr Andi si witer cho. Nochher di 2. Hoffnigsrundi, dr Pauli und dr Heinz si witer cho. Dr rescht isch usgschidä Jetz hei mer Glöslet zum 1/4 Final. Zämecho si dr Pauli geges Babsi, dr Philippe gegenä Gilb, dr Andi gegenä Heinz, dr Walti gegenä Tony(ich), gunnä het dr Pauli, dr Gilb, dr Andi und dr Tony. Nochhär ischs widder gangä mit em 1/2 Final. dr Pauli gegenä Gilb und dr Andi gegenä Tony, gunnä het dr Pauli und dr Andi. Am 5 fi isch dr chli Final gschossä wordä, dr Gilb gegenä Tony, dr Gilb het gunnä. Gratulation 3. Platz !! Jetz isch numä no dr Final z'schiessä gsie dr Pauli gegenä Andi, wär machts ? Beidi hei s'altä Sturmgwehr gha, dr Pauli mit erä hight tech Visirig druffä, dr Andi nit so modern usgrüschtüt, wär machts ? Schlussendlig hets altä Sturmgwehr puzt.1. Rang mit 47 Punkt, herzligi Gratulation !!! Dr Pauli het sich müessä gschlagä ge, 2. Rang mit 46 Punkt Gratulation !!Es sie au no 2 Hemmiker zu eus cho zueluege, dr Mutschli und dr Eugi. Dr Mutschli het ämmel no nä Chüeltruä verchauft im Marci. Es isch suscht nid so vill gangä an dem Tag, vo mir us gseh. Diä eintä hei früe hei muessä, diä anderä sie halt no nä bitzäli länger ghockt. Aber au für diä isch dr Tag im Àndi zue gangä. Tschau zämä............ Do si no ä paar obligatorischi Foteli |
Do schribt dr Philippe d'Schtandblätter zum Cup - Schiässä
Dr Chrigel het derä Sach nid äso recht drout
Dr Heinz isch am nochdänkä gsi
S'Babsi het sich do ganz in sich zruggzogä und konzentriert
Dr Mutschli het wöllä ä Chüeltruiä verchaufä
Dr Eugi het si Ranzä gspienzlet
Und do het dr Mutschli Glück gha, er hät die Chüeltruiä verchauft
D'Hemmiker hei diskutiert, d'Ormalinger hei zueglost
I möcht wüssä, was do s'Babsi gschtudiert het
Diä erschtä Gratulationä
Das si diä 2 Gwünner, 1. Andi, 2. Pauli
Do nimmt er no ä chräftgä Schluck vor der Siegereehrig
im zwöitä im Pauli
im erschtä im Andi, nomol herzligi Gratulation, Bravo, heschs verdient !!
Siegerfoto ohni Gilb wo drittä gsie isch, er het hei müessä
Diä wo gschossä hei